Հայաստանի տարբեր ՔԿՀ-ներից հայտնաբերվել են հեռախոսներ, wifi սարքեր (լուսանկարներ)



  18:34

Օգոստոսի 19-22-ն ընկած ժամանակահատվածում իրականացված խուզարկությունների արդյունքում «Արթիկ», «Նուբարաշեն», «Կոշ», «Դատապարտյալների հիվանդանոց» քրեակատարողական հիմնարկներում հայտնաբերվել են 16 բջջային հեռախոս, բջջային հեռախոսի 6 լիցքավորման սարք, 1 մարտկոց և 1 ականջակալ, 1 wi-fi սարք, խաղաքարտի 4 տրցակ, 4 հատ զառ, կտրող-ծակող 18 առարկա, դաջվածքի ինքնաշեն սարք և պարաններով ամրացված 4 պարկ, որոնց միջոցով ազատազրկված անձինք կատարում են փոխանցումներ: Փաստերի առթիվ նախապատրաստվում են նյութեր: Այս մասին «ditaket.am»-ին տեղեկացրին ՀՀ ԱՆ քրեակատարողական ծառայության հանրային կապերի բաժնից: