Հենրիխ Մխիթարյանը սկսել է մարզվել

15:19, Ապր 19, 2018


Ֆուտբոլի Հայաստանի ազգային թիմի ավագ Հենրիխ Մխիթարյանը վերսկսել է մարզումները:

Այս մասին հայտարարել է Լոնդոնի «Արսենալ»-ի գլխավոր մարզիչ Արսեն Վենգերը: «Մխիթարյանն արդեն մարզվում է և պետք է, որ առաջխաղացում լինի մոտակա 3-4 օրերին: Տեսնենք, թե հայ կիսապաշտպանի օրգանիզմը ինչպես կընդունի ծանրաբեռնվածությունը»,-ասել է մարզիչը:

Հենրիխ Մխիթարյանը վնասվածք էր ստացել ֆուտբոլի Եվրոպայի լիգայի քառորդ եզրափակիչի ԲԿՄԱ-ի հետ առաջին խաղի ժամանակ` ապրիլի 5-ին:

Ֆուտբոլի Եվրոպայի լիգայի կիսաեզրափակիչի առաջին խաղում (ապրիլի 26) «Արսենալ»-ը կխաղա Մադրիդի «Ատլետիկո»-ի հետ: