«Ռեալ»-ի հետ նոր պայմանագրով Զիդանի աշխատավարձը կբարձրանա

17:28, Օգս 12, 2017


Մադրիդի «Ռեալի» գլխավոր մարզիչ Զինեդին Զիդանն ակումբի ղեկավարության հետ համաձայնության է եկել նոր պայմանագրի կնքման հարցում: Այս մասին հայտնում է AS-ը:

Պարբերականի տեղեկության համաձայն՝ պայմանագիրը նախատեսված կլինի 3 տարով: Զիդանի տարեկան աշխատավարձը 4,35 միլիոնից կբարձրանա մինչև 8 միլիոն եվրո: Ֆրանսիացի մասնագետի ներկայիս պայմանագրի ժամկետը լրանում է այս ամսին մեկնարկելիք մրցաշրջանի ավարտին:

Զինեդին Զիդանը գլխավորել է «Ռեալ»-ը սկսած 2016 թվականի հունվարից: Չեմպիոնների լիգայի պատմության մեջ նա դարձավ առաջին մարզիչը, ում հաջողվել է երկու տարի անընդմեջ նվաճել մրցաշարի հաղթողի կոչումը, ինչպես նաև ՈւԵՖԱ-ի սուպեր գավաթը: Նախորդ մրցաշրջանում մադրիդցիները կարողացան նվաճել նաև Իսպանիայի առաջնության և աշխարհի ակումբային առաջնության գավաթները: 

Դիտվել է՝ 12 անգամ